Gjermania do të mbyllë kufijtë e saj me Republikën Çeke dhe Austrinë, të dyja zonat me norma të larta infektimi të varianteve të reja. Horst Seehofer i tha gazetës Süddeutsche Zeitung se masa do të hyjë në fuqi të dielën në mbrëmje, me disa përjashtime.
Tiroli në Austri dhe rajonet Çeke në kufi me Gjermaninë do të klasifikohen në listën e territoreve shumë të prekura nga mutacionet e virusit.
Udhëtarët që vijnë nga zona të caktuara të Austrisë ose Republikës Çeke do të duhet të japin prova të një testi negativ të koronavirusit për të hyrë në Gjermani, një kërkesë e cila do të përbëjë një pengesë për mijëra punëtorë ndërkufitarë.
Guvernatori i Bavarisë Markus Soeder, shteti i të cilit kufizohet me Austrinë dhe Republikën Çeke, tha të enjten se në rast të një veprimi të tillë nga qeveria federale, Bavaria do të kërkonte leje për të ngritur posta kufitare ku udhëtarët që nuk paraqesin një negativ për Covid-19 ata do të ktheheshin mbrapsht.
Në listën e vendeve të kufizuara për të hyrë në Gjermani tashmë përfshihen vende të tilla si Britania, Afrika e Jugut, Brazili dhe Portugalia.
