Volejboll, Erblira Bici, “MVP” në fitoren e skuadrës, shënon e vetme 25 pikë në triumfin 3-2 të Kuneos

113 563 lexime

124,178FansaPëlqeje

Shënon e vetme 25 pikë në triumfin 3-2 të Kuneos, e mbyll sezonin në 20-shen e shënuesve më të mira. Plot 25 pikë të shënuara, “lojtarja më e mirë e ndeshjes” dhe një vend midis 20 shënueseve më të mira të nivelit më të lartë të kampionatit italian të rrjetës së femrave. Kështu e ka mbyllur volejbollistja shqiptare, Erblira Bici, sezonin e saj të rregullt në Serinë A1, teksa tanimë po përgatitet për fazën e “play-off”-it.

Volejbollistja shqiptare, Erblira Bici, i ka bërë një mbyllje të shkëlqyer sezonit të rregullt të nivelit më të lartë të kampionatit italian të rrjetës së femrave, duke u shpallur edhe lojtarja më e mirë (MVP) e takimit të fituar nga skuadra e saj, Kuneo, në fushën e vet ndaj Kasalmaxhores. Në fakt, 25-vjeçarja ka qenë e papërmbajtshme në fitoren në 5 sete të ekipit të saj, duke shënuar e vetme plot 25 pikë.
E për më tepër, duke bërë një paraqitje të jashtëzakonshme në parket, teksa skuadra e saj e mbyll sezonin e rregullt në vendin e 7-të në renditje dhe pret tanimë të njohë kundërshtaren e saj në fazën e parë të “play-off”-it për titull. Në një betejë që zgjatur plot 132 minuta, skuadra mike ka fituar setin e parë 25-13, me kapitenen kuqezi që realizon 8 pikë për skuadrën e saj.

Ajo vijon të luajë mirë edhe në setin e dytë, ku shënon 4 pikë ndërsa skuadra e saj e fiton atë 25-19, duke rikthyer barazpeshën në rezultat. Bici do të spikasë me 8 pikë në setin e 3-të, të fituar me shifrat 32-30 pas plot 42 minutash, teksa skuadra vendase kryeson 2-1 me sete. Por skuadra mike do të reagojë në setin e 4-t, ku Bici realizon 3 pikë, duke e fituar atë 25-16 dhe duke e çuar kështu gjithçka në setin e 5-të dhe të fundit.

Lexo edhe :  Barcelona i bën presion Interit para ndeshjes, i kërkon mbrojtësin që fluturon në fushë

Atje ku skuadra e volejbollistes 1 m e 86 cm e fiton me rezultatin 15-11 dhe gjithë ndeshjen 3-2. Dy pikët e realizuara në këtë set të fundit kanë bërë që Bici të shënojë plot 25 pikë, duke i dhuruar praktikisht e vetme një set skuadrës së saj, ndërsa kjo shifër merr edhe më tepër vlerë kur merr parasysh se përfaqëson diçka më pak se totalin e 91 pikëve të realizuara nga Kuneo, teksa 20 pikët e tjera erdhën nga gabimet e kundërshtareve.

Për më tepër, volejbollistja e Kombëtares kuqezi e mbyll sezonin e rregullt midis 20 shënueseve më të mira të nivelit më të lartë të rrjetës italiane të femrave, me 262 pikë të realizuara në 24 ndeshje, thuajse 11 pikë për çdo ndeshje. Të gjitha këto statistika marrin më tepër vlerë kur merr parasysh faktin se Bici pësoi një dëmtim në dorë në fillim të sezonit dhe kjo ndikoi në aktivizimin e plotë të saj.

Të fundit

U godit me thikë në zemër nga bashkatdhetarët, kush është 35-vjeçari që humbi jetën!

Dy të rinj shqiptarë, të moshës 17 dhe 19 vjeç, janë arrestuar nga policia italiane si të akuzuar për...

Mesazhi i Ambasadës së SHBA-ve për qytetarët shqiptarë, dy ditë para zgjedhjeve

Teksa na ndajnë vetëm dy ditë nga zgjedhjet parlamentare të 11 Majit, ambasada e SHBA-ve në Tiranë ka publikuar në rrjetin social Facebook një...

Policia merr ne ruajtje objektet zgjedhore, mbi 5000 efektivë dhe automjete të angazhuar!

Policia e Shtetit ka hartuar një plan masash me qëllim mbarëvajtjen e procesit zgjedhor më 11 maj. Në total do të angazhohen 5316 punonjës policie...

‘Djathtas për Zhvillim’ mbylli fushatën, Dash Shehi: Votoni ndryshe!

Koalicioni 'Djathtas për Zhvillim' mbrëmjen e djeshme fushatën elektorale, në një takim në Tiranë me qindra të pranishëm. Gjatë fjalës së tij, drejtuesi i koalicionit,...

Itali/ Sherri mes shqiptarëve përfundon në vrasje, viktima nuk kishte dokumente…

Një konflikt mes dy shqiptarëve në Itali ka përfunduar tragjikisht, me një person të vrarë dhe një tjetër të plagosur. Sipas autoriteteve italiane, gjatë sherrit,...

Lajme të tjera

Web TV