Dymbëdhjetë gra u arrestuan në Stamboll për “fyerje” ndaj presidentit Erdogan gjatë marshimit tradicional në 8 Mars.
Operacioni policor u krye në disa shtëpi për të arrestuar protestuesit. Prokuroria lëshoi një urdhër arresti për një total prej 18 grave, siç u njoftua nga Shoqata Turke e Avokatëve Progresivë (ÇHD).
Protestuesit marshuan gjatë një tubimi për të shënuar Ditën Ndërkombëtare të Grave në Stamboll.
“Ne jemi me gratë e arrestuara sonte për pjesëmarrje në marshimin feminist në 8 Mars. Ne po ndjekim procesin ligjor të arrestimeve të tyre,” tha ÇHD në një deklaratë.
Avokatët shpjeguan se ata ende nuk e dinë akuzën e plotë kundër të arrestuarve, por që për momentin ata akuzohen për “fyerje të presidentit”, një krim i dënueshëm me deri në katër vjet burg.
Autoritetet nuk e ndaluan marshimin por policia nuk i lejoi ata të hynin në Sheshin ikonik Taksim.
Të shtunën e kaluar policia tashmë kishte ndërhyrë në një përqendrim të të gjitha platformave feministe në Stamboll dhe nëntë protestues u arrestuan.
