Pamjet të rënda tregojnë momentin kur një polic i dehur jashtë shërbimit ka sulmuar një grua, e cila ishte vetëm në mbrëmje dhe po shkonte në shtëpi.
Oficeri Oliver Banfield, 25 vjeç e ka kapur nga fyti Emma Homer, 36 vjeç dhe i është shprehur se do ta arrestonte, ndërkohë që polici ishte pa uniformë dhe jashtë orarit të punës.
25-vjeçari tentoi ta rrëzonte në tokë nënën e dy fëmijëve, teksa ajo kishte nisur të ulëriste, raportojnë mediat e huaja.
Polici u paraqit në Gjykatën e Magjistraturës Leicester dhe për të u mor vendimi “arrest shtëpie” për 14 javë.
Ai gjithashtu u urdhërua t’i paguante një dëmshpërblim të vogël prej 500 dollarë 32 vjecares dhe kostot e gjykatës.
Mirëpo ky vendim ka ngritur shumë debat, pasi e kanë quajtur si sistem të dështuar për gratë.
“Polici sulmon gruan që shkon vetëm në shtëpi pasi errësohet. Duhet të ketë qenë e tmerrshme për të por jo dënim me burg për oficerin,” shkruan 32-vjeçarja në një postim në rrjetet sociale.
