Një grua nga New Hampshire që humbi vajzën e saj 13-vjeçare nga një tumor në tru në vitin 2016 tani ka lindur një djalë në moshën 57-vjeçare.
Barbara Higgins gjithashtu kishte një tumor në tru ndërsa përpiqej të mbetej shtatzënë.
Higgins dhe burri i saj, Kenny Banzhoff, e përjetuan rëndë humbjen e vajzës së tyre të ndjerë Molly.
Vitet e fundit çifti, i cili gjithashtu ka një vajzë më të madhe, mendoi të kishte një fëmijë tjetër. Për këtë ata kontaktuan një klinikë të fekondimit in vitro në Boston.
Higgins lindi një djalë të shëndetshëm të quajtur Jack të shtunën. Ai peshonte rreth 3 kilogramë.
“Po, unë kam frikë dhe jam në ankth, por jam po aq edhe i gëzuar”, tha Higgins për Concord Monitor për një histori të botuar të premten.
Përveç betejës të Higgins me tumorin e trurit, bashkëshorti i saj, 65 vjeç, gjithashtu u diagnostifikua me sëmundje të veshkave për të cilën iu nënshtrua një transplantimi.
Sipas Rekordeve Botërore Guinness, gruaja më e vjetër për të lindur ishte 66-vjeçarja Maria del Carmen Bousada Lara, e cila lindi binjakë në Spanjë në vitin 2006.
