Aeroporti i Kukësit ‘Zayed, Flatrat e Veriut’ pret nesër udhëtarët e parë. Nga Londra ulet në Kukës avioni i parë, i mbushur kryesisht me emigrantë shqiptarë. Ministrja e Infrastrukturës, Belinda Balluku deklaroi se ashtu siç ishte premtuar, çunat nga Londra do t’i presë kryeministri.
“Ky do jetë aeroporti i shqiptarëve, i ndërtuar mbi bazën e konceptit për t’u shërbyer të gjithëve. Si çdo projekt i madh përfitimet janë të mëdha, punësimet, injektimi nga kargot, numri i pasagjerëve që do rriten, numrit të turistëve.
Do kemi një element të ri të zhvillimit. Të punësuarit do jenë nga Kukësi, përveç atyre punësimeve që kërkojnë përgatitje specifike.
Me përfundimin e aeroportit të Kukësit në datë 18 me uljen e avionit të parë, vëmendja do jetë në aeroportin e Vlorës, se ne datë 20 firmosim kontratën koncencionare me fituesin dhe më pas koncencionari të vazhdojë punën.
18 prill fluturimi i parë nga Kukësi. Çunat janë gati dhe në datë 18 janë këtu dhe i pret Rama, kanë mbetur vetëm përgatitjet e fundit”, tha ajo.
