Skenat e një “filmi aksion” u zhvilluan katër ditë më parë në qendër të Athinës, ku policia greke arri të arrestonte dy persona që kishin vjedhur një makinë dhe më pas po tentonin të grabisnin një dyqan celularësh.
Autorët, me origjinë shqiptare, pasi pikasën policinë, filluan të sulmonin këtë të fundit për të shmangur arrestimin. Një prej autorëve, shtyu me forcë një efektiv policie, duke e rrëzuar atë nga motori dhe duke i rrezikuar jetën.
Ndjekja e shqiptarëve zgjati më shumë se 20 minuta, të cilët në fund u prangosën. Efektivi që arrestoi shqiptarët u shpreh: Njëri prej tyre hodhi kolegun tim nga motori, desh i mori jetën.
