Më e keqja duket se ka kaluar tani për Christian Eriksen.
Tre ditë pas problemit të zemrës që rrezikoi t’i kushtonte jetën, mesfushori danez u tregua i qeshur nga shtrati i spitalit ku është i shtruar dhe donte të linte një mesazh përmes rrjeteve sociale fansave dhe shokëve të ekipit të tij kombëtar, Danimarkës.
“Përshëndetje të gjithëve. Faleminderit për mbështetjen tuaj të pabesueshme dhe për mesazhet nga e gjithë bota. Kjo do të thotë shumë për mua dhe familjen time. Unë jam mirë duke marrë parasysh rrethanat. Ende duhet t’i nënshtrohem testeve në spital, por ndihem mirë. Tani dua të mbështes djemtë e Danimarkës në ndeshjet e ardhshme. Luani për të gjithë danezët”, ishin fjalët e Eriksen.
