Pas sulmit me bomba e predha ndaj një anijeje britanike nga Rusia, në Detin e Zi, ka reaguar Britania e Madhe. Kjo e fundit ka mohuar se Rusia ka kryer të shtëna paralajmëruese në drejtim të anijes luftarake të saj.
Ministria Britanike e Mbrojtjes tha se “nuk ka pasur të shtëna paralajmëruese ndaj HMS Defender”. Sipas ministrisë në fjalë, anija po lundronte në ujërat e Ukrainës, dhe se rusët po kryenin stërvitje të armatosura në Detin e Zi dhe se kanë bërë paralajmërim paraprak për aktivitetin e tyre.
Rusia pretendon se, pas të shtënave, anija britanike e ka ndryshuar drejtimin. Sipas raporteve nga Rusia, anija e patrullimit qëlloi dy herë, ndërsa avioni Su24-M ka hedhur katër bomba.
Agjencia ruse e lajmeve Interfax raportoi se për shkak të incidentit atasheu i mbrojtjes i ambasadës britanike është thirrur në ministrinë ruse të mbrojtjes.
Anija britanike HMS Defender po kryen misione në Detin e Zi, sipas faqes në internet të Marinës Mbretërore.
