Dy shtetas shqiptarë janë arrestuar nga autoritetet greke nën akuzën e përdhunimit ndaj një 19-vjeçareje, po me origjinë nga Shqipëria.
Sipas mediave greke, të arrestuarit 20 dhe 21 vjeç e mbyllën në shtëpi, e droguan dhe e përdhunuan për tre ditë me radhë shqiptaren. Sipas dëshmisë së saj, ngjarja ka ndodhur nga data 23-26 qershor më pas e liruan duke e dërguar në portin e Pireut dhe vetë u larguan me pushime në Mykonos.
Vajza ka deklaruar në polici se njërin nga djemtë e ka njohur përmes Facebook-ut dhe caktuan një takim që ndodhi të mërkurën për të kaluar më pas natën në një shtëpi në qendër të Athinës. Pasi kishin kaluar disa orë, vajza thotë se në shtëpi u shfaq edhe një tjetër person, sërish bashkatdhetar duke e droguar dhe përdhunuar më pas.
