Një pjesë nga jeta e re e Babis Anagnostopulos është transmetuar ditën e sotme. Star shkruan se ka arritur të marrë disa pamje nga burgu ku është burgosur piloti, ndërkohë që shkruan se ai në burg duket se është përshtatur plotësisht me kushtet e reja të jetesës.
Në videon e publikuar, 32-vjeçari duket sikur është një i apasionuar i madh pas kafshëve, edhe pse mbuti qenin e tij. Ai kujdeset për kotelet e burgut duke u vensour ujë, si dhe ushqim për to.
Ndërkohë që brenda qelisë piloti flet vetëm për vajzën e tij, Lidian. Ai nuk e ka përmendur asnjëherë vrasjen e Caroline, ndërsa me familjarët e tij ai flet nga telefoni i burgut.
Babis Anagnostopulos u arrestua disa javë më parë, më shumë se një muaj pasi mbyti të shoqen dhe u mundua ta fshihte krimin, duke sajuar një grabitje. Piloti vrau të shoqen pasi kjo e fundit i kishte kërkuar divorcin. Ai rrëfeu një histori të sajuar ku përfshiu dhe shqiptarët, por vetëm dy ditë më parë u zbulua se personi që qëndronte pas krimit të rëndë ishte vetë 32-vjeçari.
