Qindra persona kanë humbur jetën në Kanada, për shkak të valës së nxehtë që ka ardhur nga temperaturat e larta.
Mediat në Kanada bëjnë me dije se gjatë pesë ditëve të fundit kanë vdekur 486 persona.
Kryetarja e Institucionit të Mjekësisë Ligjore British Columbia, Lisa Lapointe ka thënë se për shkak të motit të nxehtë në këto periudha të vitit, në të gjithë rajonin janë shënuar raste të vdekjeve me një mesatare 165 vdekje dhe se këtë vit shifra është rritur.
Ajo thekson se për shkak të rritjes së vdekjeve të papritura në disa rajone, ekspertët mjeko-ligjorë janë vonuar në përgjigjen e tyre për thirrjet e kryera.
Për të pestën ditë radhazi temperaturat në Kanada janë regjistruar 49.5°C, temperatura të cilat rezultojnë të jenë më të lartat gjatë viteve të fundit.
