Kompanitë mund të ndalojnë që punonjësit myslimanë të mbajnë shami në punë, por kjo nën kushte të caktuara, tha gjykata e lartë e Bashkimit Evropian. Kjo pasi disa gra muslimane në Gjermani u pezulluan nga puna vetëm prej shamisë dhe veshjes së tyre islamike.
Ndalimi i vendosjes së diçkaje që shpërfaq besime politike, filozofike apo fetare në vendin e punës, mund të arsyetohet me nevojën e punëdhënësit për të paraqitur një imazh neutral te konsumatorët, apo për të parandaluar mosmarrëveshje shoqërore. Megjithatë, ky arsyetim duhet të jetë në përputhje me nevojën e sinqertë të punëdhënësit dhe, bazuar në të drejtat dhe interesat në fjalë, gjykatat kombëtare mund të marrin parasysh kontekstin specifik të shtetit të tyre, me qëllim të mbrojtjes së lirisë fetare.
Në Gjermani, dy gratë që u pushuan nga puna nuk kishin mbajtur shami në fillim kur kishin ardhur në punë, por e vendosën atë pas disa kohësh. Por punëdhënësi i tyre u tha se kjo nuk ishte e lejuar, duke iu thënë se duhej të vinin pa shami në punë në të kundërtën do të pezulloheshin. Çështja e hixhabit ka ngjallur shumë polemika në Evropë për vite me radhë dhe ka nënvizuar ndarjet e mprehta për integrimin e myslimanëve.
