Prej disa ditësh vendi ynë dhe shtete të tjera pranë Mesdheut janë përfshirë nga temperatura ekstremisht të larta që kanë sjellë edhe zjarre.
Mediat greke kanë shkruar se zjarret në Shqipëri janë duke u përhapur me shpejtësi dhe tani kanë kaluar edhe në territorin grek. Grekët kanë raportuar se zjarri që ka ardhur nga Shqipëria ka hyrë në zonën e Limeri Filiates, një zonë të pyllëzuar dhe të paarritshme. Por edhe pse zjarri vijon të përhapet me shpejtësi, për momentin nuk përbën rrezik për vendbanimet.
Ndërkohë për shuarjen e flakëve kanë mbërritur 7 automjete të Shërbimit Zjarrfikës dhe 17 zjarrfikës.
Sakaq Mbrojtja Civile ka kërkuar ndihmë nga mjetet ajrore për të parandaluar përshkallëzimin e situatës.
