Prej disa ditësh vëmendja e botës është përqëndruar në Afganistan, i cili po kalon një situatë të vështirë politike dhe një krizë humanitare, për shkak se qytetarët po përpiqen të arratisen jashtë vendit nga frika e talebanëve.
Mediat ndërkombëtare kanë ndjekur nga afër situatën dhe kanë raportuar në kohë reale gjithçka që po ndodh atje duke shpërndarë edhe imazhe tronditëse.
Përreth aeroportit të Kabulit që prej javës së kaluar qindra afganë janë mbledhur në të duke u përpjekur të gjejnë një rrugëdalje për të ikur.
Turmë që vrapon pa u ndalur, njerëz që shkelen për tokë, të shtëna armësh, viktima etje, është kjo e gjithë çka po ndodh në Kabul.
