Më shumë se gjysma e amerikanëve besojnë se nuk po qeverisen nga Presidenti Joe Biden, por nga ndihmësit e tij. Ky është rezultati i një sondazhi të kryer së fundmi në SHBA, që tregon se shqetësime parazgjedhore mbi shëndetin fizik e mendor të Biden kanë fituar edhe më shumë popullaritet.
Sondazhi është ndërmarrë pas një serie gafash e incidentesh të Presidentit 78-vjeçar, më i vjetri që ulet ndonjëherë në Zyrën Ovale.
Jo vetëm që vlerësimi mesatar i miratimit të tij ka rënë nën 50%, më i ulëti i presidencës së tij, por sondazhi ka gjetur se përveç votuesve të mundshëm që besojnë se nuk është Biden ai që merr vendimet, por besojnë se janë ndihmësit e tij.
Në sondazh, Rasmussen Reports tha se 52 për qind e të anketuarve thanë se nuk ishin të sigurt se Biden është fizikisht, apo mendërisht “në lartësinë e duhur për të qenë President i Shteteve të Bashkuara” dhe 41% e të anketuarve thanë se “nuk janë aspak të sigurt”.
46 per qind e të tjerëve thanë se kanë besim tek Biden. Gratë, burrat, njerëzit e bardhë, republikanët dhe votuesit e moshës së mesme deri tek ata të moshuar nuk kanë besim tek Biden, sipas sondazhit.
Të anketuarit u pyetën gjithashtu: “A është Joe Biden me të vërtetë në detyrën e Presidentit, apo të tjerët po marrin vendimet për të në prapaskenë?”
Një shumicë prej 51 për qind thanë se të tjerët po bëjnë punën e tij, ndërsa 39 për qind thanë se Biden është në krye në SHBA, nga 47% në mars.
Shifrat janë më të këqija se gjetjet nga një sondazh i ngjashëm i SurveyMonkey vetëm një muaj pas marrjes së presidencës nga Biden, kur 33 për qind thanë se ai nuk ishte mendërisht i kthjellët për këtë punë.
Një pjesë e mirë e publikut amerikan nuk beson se Biden do ta përmbyllë mandatin 4-vjeçar në krye të Shtëpisë së Bardhë dhe Kamala Harris do të jetë ajo që do të drejtojë SHBA deri në 2025.
