Presidenti rus, Vladimir Putin, hodhi sot poshtë idenë e dërgimit të njerëzve të evakuuar nga Afganistani në vendet pranë Rusisë. Siç raporton RIA, Putin është shprehur se dëshiron që “militantët të shfaqen në këto vende të maskuar si refugjatë”.
“Imagjinoni, refugjatët kanë hyrë në çdo vend … cilët janë këta refugjatë? Nga ta dimë ne? Mund të ketë mijëra, apo edhe qindra mijëra. Ose ndoshta miliona”, tha Putin.
Presidenti rus shtoi se me disa vende fqinje, Rusia i ka hequr vizat dhe për këtë arsye situata me refugjatët është e rëndësishme për sigurinë e vendit.
“Ne nuk duam që luftëtarët e maskuar si refugjatë të shfaqen në vendin tonë,” tha ai.
Putin kujtoi se tmerret që vërehen në Afganistan ndodhën në Rusi në vitet ’90 dhe në mesin e viteve 2000 në Kaukazin e Veriut.
“Askush nuk dëshiron të kthehet ajo kohë, kështu që ne nuk kemi nevojë për elementë të tillë nga Afganistani dhe nga vendet e tjera,” tha presidenti rus./ MCN.tv
