FIFA mendon për Europian dhe Botëror çdo 2 vjet, UEFA kundër

113 563 lexime

124,178FansaPëlqeje

FIFA po studion një revolucion që mund të nisë në 2027-ën. Zhvillimin e kampionateve Botërorë dhe Europianë, ( si dhe turnetë e tjerë kontinentalë, si Kupa e Afrikës dhe ajo e Azisë), çdo dy vjet me kalendarë të rikonfiguruar krejtësisht, por UEFA nuk është shumë dakord, duke qenë se ky projekt do të peshonte mbi kampionatet kombëtare dhe natyrisht për Kupat Europiane për klube. Një përballje në një lloj mënyre kjo mes dy organeve më të rëndësishme të futbollit botëror.

Studimi i mundësisë për ta realizuar këtë projekt ka nisur nga FIFA mbi bazën e idesë që Botërori dhe Europiani do të zgjasin 5-6 javë, me nivel shumë të lartë konkurencë. Objektivi është që të aprovohet në kongresin e FIFA-s në maj të 2022, edhe pse deri në 2026-ën nuk mund të ndryshojë asgjë, duke qenë se në Miami po përgatisin që tani organizimin e Botërorit 2026 që do të zhvillohet mes Shteteve të Bashkuara të Amerikës, Kanadasë dhe Meksikës.

Nëse projekti miratohet i gjithë kalendari futbollistik do të ndryshonte, plani i FIFA-s parashikon 10 muaj kompeticion, një muaj pushim dhe një muaj përgatitje fizike. Kampionatet kombëtare do të nisnin mes gushtit dhe shtatorit, por do të ketë vetëm dy pauza për kombëtaret, në tetor dhe në mars. Në janar zhvillohet botërori për klubet dhe në verë Botërori ose Europiani.

Problemi është që ky organizim do të linte vetëm 53 data, pra 53 ditë ndeshjesh për kampionatet kombëtare, dhe Kupat Europiane për klubet, 10 më pak nga sa janë aktualisht, dhe pikërisht për këtë arsye ekziston edhe skepticizmi i UEFA-s, pa llogaritur këtu pakënaqësitë që do të shkaktoheshin te lojtarët që do të përballeshin me një numër më të madh ndeshjesh duke u rritur impenjimet me kombëtaret.

Lexo edhe :  Komisioni i Disiplinës nuk fal, e pëson trajneri Daja, gjobiten klubet e elitës

Arsene Wenger ish menaxher i Arsenalit dhe tani drejtor i sektorit të zhvillimit të FIFA-s, deklaroi për të përditëshmen franceze L’Equipe:

“Ideja bazë është që të rigrupohen ndeshjet e kombëtareve në një ose dy periudha gjatë vitit, në mënyrë që lojtarët të mos ju hiqen kaq shumë herë klubeve , dhe pasta në fund të sezonit të ketë gjithmonë një turne me interes madhor, si Botërori apo Europiani”.

Të fundit

Organizata Botërore e Shëndetësisë: Rezervat e ilaçeve të Gazës, drejt përfundimit!

Drejtori i Përgjithshëm i Organizatës Botërore të Shëndetësisë (OBSH), Tedros Adhanom Ghebreyesus, dha alarmin se furnizimet mjekësore në Rripin...

Fier, mjeku mori 60 mijë lekë ryshfet për operacionin, i mituri humb një testikul

Emisioni “Fiks Fare” sjell një rast mitmarrje nga ana e bluzave të bardha në qytetin e Fierit. Mjeku Musa Skënderaj akuzohet nga dy prindër se...

Zelensky i përgjigjet Trump: Ukraina nuk e ka braktisur Krimenë!

Ukraina nuk e ka braktisur Krimenë, të cilën Rusia e ka pushtuar që nga viti 2014, thekson Volodymyr Zelensky, duke dhënë përgjigjen e tij...

Dhunuan punonjësen e OSHEE, policia vë në pranga të riun që ndihmoi autorin të arratiset

Është vënë në pranga një 30-vjeçar sonte në Tiranë, pasi ka ndihmuar personin që dhunoi punonjësen e OSHEE në rrugën “Artan Lenja”. Policia bën me...

Shtëpitë do të shiten më shtrenjtë, Banka e Shqipërisë: 18 % blihen nga të huajt

Çmimet e apartamenteve vazhdojnë të rriten pavarësisht numrit të lartë të lejeve të ndërtimit. Banka e Shqipërisë raporton se në vitin e shkuar bankat...

Lajme të tjera

Web TV