Një ‘mrekulli’ i ka shpëtuar jetën 3-vjeçarit Anthony “AJ” Elfalak, i cili ka qenë i zhdukur prej më shumë se katër ditësh. Momenti i ribashkimit me të ëmën ka rrëmbyer zemrat e të gjithëve dhe videoja brenda pak minutash është bërë virale. Vogëlushi i cili kur ishte gjetur nga policët ishte tejet aktiv, në momentin që ka takuar të ëmën ka fjetur gjumë në krahët e saj.
Vogëlushi i cili vuan nga autizmi dhe nuk ka aftësi të flasë, është gjetur nga policia në momentin kur po pinte ujë nga një përrua, rreth 550 metra larg shtëpisë së tij.
Oficeri deklaroi se ai u kthye drejt tij me një buzëqeshje masive në fytyrë që ai nuk do ta harrojë kurrë.
Ai ishte në gjendje të mirë dhe u dërgua në spital për vëzhgim, thanë oficerët e ambulancës. Fëmija që atëherë është liruar dhe është në shtëpi me familjen e tij.
Babai i tij, Anthony Elfalak, tha se AJ ishte kafshuar nga milingonat dhe se ai kishte një irritim tëlëkurës dhe kishte pësuar gërvishtje.
“Nuk mund ta shpjegoj, jam shumë i bekuar,” u tha nëna gazetarëve ndërsa mbante në krah djalin e saj. “Jam shumë e lumtur që ai është këtu. Ai është me ne, është i sigurt dhe mirë dhe i shëndetshëm, kjo është gjithçka që ka rëndësi. ”
Një pilot i helikopterit të policisë që ndihmoi në gjetjen e AJ e përshkroi reagimin e tij si “gëzim absolut”.
It’s the news we all needed today.
Anthony ‘AJ’ Elfalak has been found alive after three nights lost and alone on his family’s property at #Putty.
The police helicopter spotted the 3-year-old this morning, sparking unbridled emotion from the family.@WesternWilson9 #9News pic.twitter.com/wDGTlhVoJn
— 9News Sydney (@9NewsSyd) September 6, 2021
