Ministri rus i emergjencave Yevgeny Zinichev ka ndërruar jetë gjatë stërvitjes vjetore ku u përpoq të shpëtonte një operator.
Ministri 55-vjeçar “humbi jetën tragjikisht ndërkohë që po mundohej ti shpëtonte jetën një personi gjatë shërbimit në Norilsk ku po merrte pjesë në një stërvitje për mbrojtjen e Arktikut, ” thuhej në deklaratën zyrtare drejtuar medias.
Zoti Zinichev “ndodhej në majën e një shkëmbi të lartë së bashku me kameramanin i cili rrëshqiti dhe ra në ujë.
Kush është Yevgeny Zinichev
Ministër që nga viti 2018, Yevgeny Zinichev kaloi pjesën më të madhe të karrierës së tij në shërbimet e sigurisë ruse duke qenë në krye të forcave të sigurisë të presidentit rus Vladimir Putin.
Sipas mediave 55-vjeçari kishte shërbyer në Komitetin e Sigurimit të Shtetit në Bashkimin Sovjetik. Pas shpërbërjes së Bashkimit sovjetik më 1991, ai iu bashkua FSO-së (Shërbimi Federal Mbrojtës).
Që nga viti 2014 ai ka qenë Zëvendës Drejtor i Shërbimit të Inteligjencës Kundër Terrorizmit (FSB). Nga viti 2016 deri në emërimin e tij në Ministrinë e Emergjencave, ai kishte mbajtur pozicionin kryesor të Zëvendës Drejtorit të FSB-së
