Turqia është shokuar nga vrasja gjakftohtë e një personi dhe plagosja e katër të tjerëve nga një ish-futbollist. Sezer Ozturk , ish-lojtar i Fenerbahce , Besiktas dhe Leverkusen ka qëlluar disa herë dhe ka vrarë një 24-vjeçar. Mediat lokale sqarojnë se gjithçka ndodhi për përparësinë në rrugë.
Sipas dëshmitarëve okularë, ngjarja ndodhi brenda pak minutave. Ish-lojtari dhe viktima u konfliktuan disa minuta me fjalë dhe më pas filluan të shtënat. Halim Ibrahim, baba i dy fëmijëve, ra i vdekur nga plumbat , ndërsa i ati, vëllai dhe dy shokë të tij u shtruan në spital. Autori është arratisur dhe është në kërkim nga policia, ndërsa shoku i tij dyshohet se është vetëdorëzuar në polici.
