Kryeministri Edi Rama i është rikthyer komunikimit virtual me ndjekësit e tij në rrjetet sociale, duke replikuar me disa nga komentuesit që lënë shënimet me shqetësimet e tyre në postimet që bën shefi i qeverisë.
Një nga temat që ka marrë vëmendje të madhe ditët e fundit është rritja e çmimeve të produkteve ushqimore të shportës bazë dhe paralajmërimi për shtrenjtimin e energjisë elektrike.
Duke iu përgjigjur një prej komentuesve, Rama lidhur me këtë çështje thotë se kjo nuk vjen si pasojë e politikës. Por në tregun e lirë shpjegon Rama, “kur çmimet rriten kudo ne te gjithe planetin, nuk ka se si te ulen ne Shqiperi”.
Komentuesi: Rritja e çmimeve ku do shkojme ne pencionistet ne varr ….shkofte gjith politika e hajdutave….
Rama: Çmimet nuk kanë lidhje me politikën po me tregun e lirë sepse nuk jemi në komunizëm kur çmimet i vendoste shteti dhe kur çmimet rriten kudo në të gjithë planetin, nuk ka se si të ulen në Shqipëri, jo se s’do politika po se ky është sistemi i ekonomisë së tregut!
