Pas katër ndeshjesh pa fitore në Premier League, Manchester United triumfon me shifrat 0-3 në transfertë përballë Tottenham. Sfida u zhbllokua në minutën e 39’, kur Cristiano Ronaldo mposhti portierin Lloris, ndërsa në minutën e 64-t, CR7 shërbeu për Cavanin, që dyfishoi shifrat.
Llogaritë e ndeshjes i mbylli Marcus Rashford në minutën e 86’, pasi mposhti për herë të tretë Hugo Lloris dhe vulosi fitoren e “djajve të kuq” që me tre pikët e marra në Londër, ngjiten në vendin e pestë me 17 pikë.Nga ana tjetër mbetet kriza te Tottenhami, që pëson humbjen e dytë radhazi dhe mbetet në kuotën e 15 pikëve pas 10 javëve të para dhe jashtë zonës europiane të renditjes.
Një statistikë interesante ka të bëjë me Ronaldon, në moshën 36-vjeç e 267 ditë, Ronaldo është bërë lojtari më i vjetër që shënon dhe jep një asist në kampionat, pas Didier Drogba në dhjetorin e vitit 2014-të, i cili ka qenë gjithashtu 36-vjeç e 267 ditë.
