Kryeministri Edi Rama e ka nisur mëngjesin e tij me pamje nga rruga e sapopërfunduar Dukaj-Sinanaj, e cila lidh Tepelenën me bregdetin.
Një rrugë e shtruar mes bukurive të natyrës unike shqiptare, ajo krijon një tjetër hapësirë zhvillimi turistik e bujqësor të Shqipërisë rurale.
Videoja e publikuar nga kryeministri është e shoqëruar edhe me një këngë me iso jugore.
“Mirëmëngjesi dhe me këto pamje të rrugës së sapopërfunduar Dukaj-Sinanaj, e cila lidh Tepelenën me bregdetin dhe krijon një tjetër hapësirë zhvillimi turistik e bujqësor të Shqipërisë rurale, ju uroj një ditë të mbarë.”, shkruan Rama në rrjetin e tij social Facebook.
