Kreu i Partisë Demokratike Lulzim Basha ka reaguar për zhvillmet e fundit dhe “luftën” e brendshme në parti.
Përmes një reagimi në Twitter, Basha përsërit se Sali Berisha nuk e ka luftën me të, por e ka më SHBA, duke theksuar se këtë po e bën për interesat e tij personal. Sipas tij, qëndrimi si kryetar partie është në të mirë të demokratëve dhe Shqipërisë.
“Sali Berisha nuk e ka luftën me mua, nuk po e bën luftën për asnjë demokrat, luftën e ka me SHBA, luftën po e bën për interesat e tij personale.
Qëndrimi im si kryetar i Partisë Demokratike ka qenë dhe do të jetë në interesin më të mirë të demokratëve dhe në interes të së nesërmes së Partisë Demokratike dhe të Shqipërisë. Interesat personale të askujt nuk mund ta bunkerizojnë Partinë Demokratike”, shkruan Lulzim Basha.
