Të pavaksinuarit të mbyllen në shtëpi / Austria fut në karantinë 2 milionë qytetarë

113 563 lexime

124,178FansaPëlqeje

Austria vendos rreth 2 milionë njerëz të pavaksinuar në izolim duke filluar nga e hëna mes niveleve rekord të infeksionit dhe presionit në rritje nga ana e spitaleve.

“Nuk është një vendim i lehtë, por është i nevojshëm”, tha kancelari Alexander Schallenberg.

Njerëzit e pavaksinuar do të mund të largohen nga shtëpia vetëm për një numër të kufizuar arsyesh, si puna, ose blerja e ushqimit.

Rreth 65 për qind e popullsisë së Austrisë është plotësisht e vaksinuar, një nga normat më të ulëta në Europën Perëndimore.

Ndërkohë shkalla e infeksionit shtatëditor është më shumë se 800 raste për 100,000 njerëz, një nga më të lartat në Europë.

Në përgjithësi, Europa është bërë sërish rajoni më i prekur nga pandemia dhe disa vende po vendosin kufizime dhe paralajmërojnë për shtim të rasteve.

Të pavaksinuarve tashmë u ndalohej të vizitonin restorante, parukeri dhe kinema, por tani do t’u thuhet të qëndrojnë në shtëpi.

“Në realitet ne i kemi thënë një të tretës së popullsisë: nuk do të largoheni më nga apartamenti juaj pa arsye të forta”, tha zoti Schallenberg.

“Ky është një reduktim masiv i kontakteve midis të vaksinuarve dhe të pavaksinuarve”, vijoi ai.

Qeveria thotë se policia do të kryejë kontrolle në vende dhe në hapësirat publike për të përcaktuar statusin e vaksinimit të qytetarëve.

Të fundit

“Fëmijët duhet të trajtohen në spital”/ Mjekja: ISHP konfirmoi 5 raste me salmonelë

Mjekja mikrobiologë e njësisë vendore të Kujdesit Shëndetësor në qytetin e Gramshit Dafina Shtylla në një intervistë me gazetarin...

Shifër e “çmendur” për Ferrarin e Michael Schumacher

Ferrari F2001, i drejtuar nga Michael Schumacher në sezonin që i siguroi atij titullin e katërt botëror dhe të dytin me ekipin italian, u...

“Moto Fest Shkodra 2025”, tri netë adrenalinë, muzikë dhe spektakël motorësh

“Moto Fest Shkodra 2025” ka dhuruar spektakël dhe adrenalinë në Shkodër për tre netë me radhë. Rreth 200 të pasionuar pas motorëve kanë zbarkuar në...

“11 maji, farsë politike”, Partia e Lirisë: Të hetohet çdo rast i shkeljes së ligjit

Në një deklaratë për mediat, zëdhënësja e presidentit të Partisë së Lirisë, Jasmira Memelli e cilësoi procesin zgjedhor të 11 majit, një farsë politike,...

Turi i 82-të çiklistik/ Policia publikon planin e masave, ja rrugët që bllokohen

Turi i 82 çiklistik i Shqipërisë starton ditën e nesërme, i ndarë në 5 etapa. Në kuadër të këtij turi, policia ka bërë të ditur...

Lajme të tjera

Web TV