Ministri i Brendshëm, Bledi Çuçi, në fjalën e mbajtur në Kuvend për buxhetin e vitit 2022 të Ministrisë së Brendshme, ka thënë se rreth 80% e parave janë të destinuara për Policinë e Shtetit.
Çuçi theksoi se investimet në teknologji do të kenë vëmendjen më të madhe, ndërsa shtoi se për efektivët që ushtrojnë detyrën larg vendbanimit do të ketë shpërblim.
Më tej Çuçi tha se do të ngrihet në një nivel tjetër lufta për parandalimin dhe goditjen e paligjshmërisë.