Kylian Mbappe u bë lojtari më i ri në moshë që arrin 30 gola në Ligën e Kampionëve pasi Paris St-Germain e mbyll Grupin A me një fitore ndaj Club Brugges.
Francezët ishin të kualifikuar në fazën eliminatore në vendin e dytë, pas Manchester Cityt, ndërsa humbja e lë Brugges-in në fund të tabelës.
Mbappe e mbylli lojën brenda shtatë minutave, duke shënuar dy herë radhazi për vendasit. Lionel Messi gjithashtu shënoi dy herë ndërsa Brugge shënoi golin e nderit.
Goli i parë i Mbappe erdhi pas 72 sekondash. Dy golat e shënuar e çuan atë në kuotën e 31 golave në kompeticionin elitar të Europës, duke kaluar pikën historike të 30 golave në moshën 22 vjeç e 352 ditë për të kaluar Messin, i cili ishte 23 vjeç e 131 ditë kur arriti këtë objektiv.
Në ndeshjen tjetër të këtij grupi, Leipzig mposhti 2-1 Manchester City-n dhe mori biletën që e çon në Europa League. Golat u shënuan për vendasit nga Szoboszlai dhe Silva An, ndërsa për anglezët shënoi Mahrez.
