Mediat amerikane shkruajnë sot se administrata e Biden po harton plane emergjente për të evakuuar amerikanët nga Ukraina, nëse Rusia fillon një pushtim.
Raporti i CNN, i cili citoi burime, doli pak përpara se Presidenti Biden të mbante një telefonatë virtuale me presidentin rus Vladimir Putin për të diskutuar mbi grumbullimin masiv të trupave të Moskës përgjatë kufirit ukrainas.
Planifikimi thuhet se udhëhiqet nga Pentagoni, i cili ka parashtruar disa skenarë të ndryshëm evakuimi – duke përfshirë një në të cilin punonjësit jothelbësorë të qeverisë amerikane hiqen dhe një plan më të madh në të cilin të gjithë amerikanët largohen.
Raporti vuri në dukje se nuk kishte nevojë që amerikanët të largoheshin nga Ukraina në këtë periudhë. Aeroportet ndërkombëtare të vendit janë ende duke funksionuar dhe kufijtë tokësorë me fqinjët e tjerë mbeten të hapur. Departamenti i Shtetit do të bënte thirrjen përfundimtare nëse evakuimet janë të nevojshme.
