Ylli i skuadrës së femrave sulmon tifozin gjatë ndërhyrjes në fushë, ndëshkohet me kartonin e verdhë (Video)

113 563 lexime

124,178FansaPëlqeje

Një sulmuese kryesore e skuadrës së femrave të Chelsea-t ka rrëzuar një burrë përtokë pasi ai vrapoi në fushë në kërkim të një ‘selfie’ gjatë një ndeshjeje të Ligës së Kampionëve për femra.

Kapitenia e Australisë, Sam Kerr, një pretendente për Topin e Artë këtë vit dhe golashënuesja më e mirë e të gjitha kohërave në Ligën Kombëtare të Futbollit për Femra të SHBA-së, po luante për blutë e Londrës kundër Juventusit në Ligën e Kampionëve për Femra, kur një tifoz mashkull u largua nga vendi i tij dhe hyri në fushën e lojës.

Duke treguar llojin e instinktit që e bëri atë të bëhej futbollistja e vetme femër që fitoi Këpucën e Artë në tre liga të ndryshme në tre kontinente të ndryshme, 28-vjeçarja ndaloi burrin që të prishte më tej lojën.

Synimi kryesor i të riut në fjalë dukej se ishte marrja e një selfie me shoqen e skuadrës së Kerr, Magdalena Eriksson.

Mes bërtitjeve nga turma, ai qëndroi në terren shumë më gjatë se ç’duhej, duke bërë që tifozët të shqetësoheshin. Videot e sherrit tregojnë përkrahësit që talleshin me burrin duke e ofenduar.

Kerr mori brohorimat e tifozëve pas ndërhyrjes së saj ndaj tifozit, gjë që fitoi gjithashtu lavdërimin e saj nga menaxherja Emma Hayes, pavarësisht se golashënuesja e fundit e Kupës FA u ndëshkua në mënyrë konfuze nga arbitri.

“Ai mund të kishte pritur deri në fund për të bërë një fotografi nëse donte vërtet një të tillë. Por duke përjashtuar shakatë, ne duhet të mendojmë për sigurinë e lojtarëve,” tha Hayes.

“Ne kemi parë me rritjen e lojës që lojtarët janë gjithnjë e më të kërkuar.

“Kjo duhet të shërbejë si një kujtesë për të gjithë ne, se në stadiumet tona dhe me rojet e sigurisë, se ne duhet të vendosim mbrojtjen e lojtarëve në radhë të parë”.

Lexo edhe :  Arsenali pret Real Madridin në “Emirates Stadium”, formacionet zyrtare të skuadrave

Down Under, një reporter i Sydney Morning Herald tha se ishte “e vështirë të mendohej se si Sam Kerr mund ta përfundonte këtë javë që do ta bënte atë më të dashur për fansat australianë, përtej asaj që ka arritur në fushë”.

“Kjo ishte mënyra e vetme” , shtoi ai.

 

View this post on Instagram

 

A post shared by Sam Kerr (@samanthakerr20)

Duke komentuar nga Gabba në Brisbane, ku Australia po luan me Anglinë në provën e parë të Ashes, legjenda e kriketit aussie Andrew Symonds u pyet në lidhje me incidentin, i cili u kujtoi sportdashësve se si ai në mënyrë të ngjashme sulmoi një tifoz në vitin 2008 kur u përball me Indinë.

“Ne jemi edukuar padyshim shumë të ashpër këtu në Australi dhe nuk bëjmë hapa prapa. Sammy padyshim i mori gjërat në duart e saj kur rojet e sigurisë nuk mund të kapnin dot djalin, aq më mirë për të,” tha ish-lojtarja. “Ajo është një ikonë dhe padyshim di si ta trajtojë veten. Do të doja t’i bleja një birrë dhe të bisedoja me të.”

Barazimi pa gola i mohoi Chelsea-t kualifikimin në çerekfinale me një ndeshje të mbetur në grupe dhe ishte hera e parë që ata nuk kishin arritur të shënonin këtë sezon.

Pavarësisht mbylljes, Kerr është golashënuesja e dytë më e mirë në kompeticion, me katër gola në pesë paraqitje në sezonin aktual.

Chelsea mbetet tre pikë më shumë se rivalët më të afërt Juve dhe Wolfsburg. Skuadra e Hayes është e garantuar të arrijë në fazën eliminatore nëse shmang humbjen kur do të vizitojnë klubin gjerman më 16 dhjetor.

Të fundit

“Në mëngjes qan viktimat, në darkë feston si kafshë”/ Plas sherri në Parlamentin grek

Parlamenti grek është përfshirë nga tensione të forta mes deputetëve, pas daljes së hetimeve paraprake për tragjedinë me 57...

Berisha-LaCivita nisin fushatën/ Dashnor Sula: Lufta e Berishës ndaj SPAK, absurde

Koalicioni Aleanca për Shqipërinë Madhështore drejtuar nga PD çeli këtë të premte zyrtarisht fushatën elektorale nga sheshi “Nënë Tereza”. Me ardhjen në çelje të fushatës...

Uji i shenjtë i kontaminuar nga Etiopia solli kolerën në Evropë

Të paktën shtatë persona në Gjermani dhe Britani janë prekur nga kolera rezistente ndaj shumë ilaçeve pasi kanë pirë ujë të shenjtë nga Etiopia,...

Basha takim me të rinjtë në ditën e parë zyrtare të fushatës, ironizon Ramën me një lepur

Drejtuesi politik i Koalicionit Euroatlantik, Lulzim Basha, gjatë takimit me të rinjtë kanë ironizuar shprehejn e kryeministrit Edi Rama ku e krahasonte veten me...

Largimet masive nga partia, Ilir Meta nxjerr fëmijët në fushatë

Ilir Meta edhe pse në burg, kërkon të bëhet deputet në Tiranë. Për këtë arsye, ai ka nxjerrë fëmijët në fushatë, meqë vetë nuk del...

Lajme të tjera

Web TV