Në Tajlandë, një punonjëse dyshohet se hodhi në erë depon e naftës ku ajo punonte. Sipas raportimeve, ideja lindi pasi ajo ishte e zemëruar me shefin e saj. Policia ka raportuar se emri i punonjëses 38-vjeçare është Sirisini ose Ann Sriya.
Ajo është akuzuar se hodhi në erë kontejnerin e karburantit në magazinën Prapakorn Oil me bazë në Tajlandë. Zjarri shkaktoi dëme prej më shumë se 40 milionë baht(monedhë tajlandeze), të cilat u përhapën shpejt nëpër kompleksin që ruante mijëra litra rezervuarë nafte.
Ajo u arrestua dhe pranoi se kishte kryer zjarrvënie, duke pretenduar se ishte shtyrë nga stresi që i kishte shkaktuar punëdhënësi i saj Pipat Ungprapakorn, 65 vjeç. Më shumë se 40 makina zjarrfikëse kaluan katër orë duke luftuar me zjarrin përpara se ai të vihej nën kontroll.
