Një ngjarje e rëndë është regjistruar në Itali.
Raportohet nga mediat italiane se trupi i një gruaje është gjetur i dekompozuar në një apartament në zonën e Genzanos.
Autoritetet janë lajmëruar nga banorët e pallatit të cilët prej disa ditësh kishin nuhatur një aromë të rëndë.
Disa nga qiramarrësit e pallatit menduan se ishte më mirë që të thërrisnin policinë, që të mund të zbardhte shkaqet e këtij momenti të sikletshëm për ta.
Autoritetet janë tronditur nga ajo që zbuluan. Sapo hynë në banesën e mbyllur, me ndihmën e zjarrfikësve, efektivët gjetën trupin e një zonje të moshuar, e cila kishte ditë të tëra që kishte vdekur. Bëhet me dije se dy ndoshta tre javë kishin kaluar nga vdekja e saj, deri në gjetjen e kufomës.
Ndër të tjera mësohet se ngjarja ka ndodhur në Via Einaudi, në një ndërtesë pranë qendrës historike. Deri më tani mendohet se e moshuara ka ndërruar jetë nga shkaqe natyrale dhe nuk kishte ne zonën ku jetonte asnjë prej të afërmve të saj.
