Tornadot në SHBA: Joe Biden shpall gjendjen e jashtëzakonshme në Kentucky

113 563 lexime

124,178FansaPëlqeje

Guvernatori i Kentucky-t, Andy Beshear, tha se rreth 50 persona kanë humbur jetën vetëm në shtetin e tij, duke e çuar numrin e vdekjeve në zonat e shkatërruara në 64.

Autoritetet amerikane kanë folur për dëme të jashtëzakonshme në shumë shtete, pas “shpërthimit” të disa tornadove vdekjeprurëse që rrënuan komunitetet dhe rrafshuan qytetet. Presidenti i Shteteve të Bashkuara Joe Biden deklaroi se kjo është një fatkeqësi natyrore e përmasave madhore. Pas kësaj deklarate u dha një ndihmë e pakufizuar federale në të paktën 8 qytete të Kentucky-t.

Shumica e atyre që humbën tragjikisht jetën janë punëtorët e një fabrike qirinjsh. Tetë janë konfirmuar të vdekur. Fillimisht u raportua për 110 të zhdukur, por gjatë orëve të vona të së premtes (12.12), 90 prej tyre u gjetën shëndoshë e mirë.

“Shumë prej tyre ishin grupuar në një strehë që i ka mbrojtur prej tornados dhe sapo gjithçka ka përfunduar, ata kanë dalë prej andej dhe kanë mbërritur në shtëpi” – tha Bob Ferguson nga “Mayfield Consumer Products”. Ai shtoi se mungesa e energjisë elektrike dhe e rrjetit e bëri të vështirë kontaktin fillestar me ta.

Ndihmat federale lehtësojnë pasojat e shkatërrimit të natyrës

Shtëpia e Bardhë e miratoi kërkesën e Beshear për ta konsideruar tragjedinë në përmasat e një katastrofe federale, çka do të thotë se fondet do të kalojnë shumën e 5 milionë dollarëve, që u deklarua në çastet e para pas emergjencës.

Sipas Agjencisë Federale të Menaxhimit të Emergjencave në Shtetet e Bashkuara të Amerikës (FEMA), kjo nënkupton “një gamë të gjerë ndihme në nivel federal, për individë dhe infrastrukturën publike”.

Situata e jashtëzakonshme përfshin gjithashtu “fonde për ndihmat e emergjencës dhe riparimin e dëmeve të përhershme”, duke garantuar kështu qytetarët për rindërtimin e shtëpive të tyre pas dëmeve që shkaktoi kjo katastrofë natyrore.

Lexo edhe :  Zjarr në Marsejë, lëndohen 110 persona, evakuohen qindra të tjerë

Qytete si Mayfield vuajtën pasojat më të mëdha të shkatërrimit, me popullsinë prej 10,000 banorësh që vraponte për t’u mbrojtur pas marrjes së sinjalizimeve në telefonat celularë rreth 20 minuta para se tornado të godiste zonën e tyre. Beshear tha se fuqia e goditjes këtë herë ishte shumë më e lartë se herët e tjera, pasi ka shkërmoqur tullat dhe strukturat prej çeliku.

Gazetari Travis Ragsdale i tha DW gjatë së dielës se “qytet pas qyteti, është shndërruar gjithçka në rrënoja për 300 kilometër me radhë”. “Janë gjashtë letra të printuara plot me emra personash për të cilët vijon kërkimi, edhe pse kanë kaluar disa orë nga stuhia” – tha Ragsdale.

Mes viktimave ishte dhe një djalë 3-vjeçar, I cili humbi tragjikisht jetën kur shtëpia e tij në qytetin e Mayfield u shkatërrua tërësisht.

Drejtuesi i FEMA, Deanne Criswall, tha se nuk i kanë humbur shpresat për gjetjen e të mbijetuarve. Agjencia e drejtuar prej tij ofroi ushqim për 30.0000 persona dhe 45.000 litra ujë. Edhe Papa Françesku u lut për viktimat e Kentucky-t./ DW

Të fundit

“Negociatat me BE mund të mbyllen në 2027”/ Marta Kos vlerëson reformat e Shqipërisë

Në takimin e përbashkët të parlamentarëve të angazhuar në marrëdhëniet e BE-së me NATO-n, komisionerja për Zgjerimin, Marta Kos,...

IKMT konfiskoi pallatin pa leje në Vlorë/ Bici: Do kalojë për interes publik

Menjëherë pas deklaratës së kryeministrit Rama nga Tirana, se në Vlorë do të konfiskohet një pallat për problematikat e mungesës së lejes, kryeinspektorja Dallëndyshe...

Aksionet në Theth/ Meta nga qelia: Akrepi nuk do të ndalet deri sa t’ia fusë edhe vetes

Ish-Presidenti Ilir Meta ka komentuar nga qelia aksionet për shembjen e objekteve në Theth. Në një postim në rrjetin social Facebook, Meta akuzon Kryeministrin si albanofob dhe...

‘Furtunë’në bashkinë e Elbasanit/ Pas mbledhjes, dorëhiqen të gjithë zyrtarët

Një valë dorëheqjesh ka përfshirë Bashkinë Elbasan këtë fillim jave pas një kërkesës së Kryeministrit Edi Rama. Burime zyrtare konfirmojnë se drejtues të niveleve...

Fitime marramendëse, zbulohen shifrat e arkëtuara nga çdo skuadër në Botërorin e Klubeve

Botërori i Klubeve nuk ishte kompeticioni më i bukur i mundshëm. Kritikat ishin të shumta, si për kushtet ku ndikonte shumë temperatura, po ashtu...

Lajme të tjera

Web TV