Administrata Biden ka publikuar dokumente të klasifikuara më parë për vrasjen e presidentit të atëhershëm të SHBA-së, John F. Kennedy.
Koleksioni më i fundit i dosjeve të lëshuara për Kenedin përbëhet nga më shumë se 1400 dokumente dhe mund të lexohen në faqen e internetit të Arkivave Kombëtare, por mijëra dokumente të tjerë po mbahen fshehur. Dokumentet e publikuara përfshijnë redaktime, të ngjashme me atë kur ish-presidenti Donald Trump publikoi rreth 3000 dosje në vitin 2017. Publikimi i dokumenteve ishte mandatuar nga Kongresi në 1992.
Kennedy u vra më 22 nëntor 1963 ndërsa udhëtonte me një autokolonë nëpër Dealey Plaza në Dallas, Teksas. Lee Harvey Oswald u arrestua për krimin, autoritetet pretenduan se ai kishte qëlluar presidentin nga një dritare e katit të gjashtë në një ndërtesë aty pranë.
Oswald iu tha mediave se ai ishte një “viktimë e akuzave”, por ai u qëllua dhe u vra dy ditë pas atentatit ndërsa ishte në paraburgim. Zyrtarët vazhduan të pretendonin se Oswald kishte punuar vetëm.
Teoritë e konspiracionit kanë qenë ‘të egra’ gjatë viteve që nga vdekja e Kenedit, rasti që ndoshta është më i famshmi është shqyrtuar nga regjisori Oliver Stone në filmin “JFK” fitues të Oskarit në vitin 1991. Ai e ndoqi atë film me një dokumentar këtë vit që vuri në dyshim Komisionin Warren dhe përshkrimin e tij të atentatit. ‘Teoritë e njohura të vrasjeve’ ia vënë fajin CIA-s ose të tjerëve që punojnë brenda qeverisë amerikane.
Lëshimi i dosjeve të Kenedit është kritikuar nga teoricienët, pasi redaktimet dhe fshehja e informacionit ka të ngjarë të nënkuptojnë se qeveria nuk do të lëshojë publikisht ‘prova inkriminuese’ për të vërtetuar ndonjë teori në lidhje me vdekjen e presidentit.
Skedarët e mbetur të Kennedy janë planifikuar të publikohen më 15 dhjetor 2022 pas një rishikimi sigurie, që ka të ngjarë të nënkuptojë më shumë redaktime. Sipas Arkivit Kombëtar, rreth 90% të dokumenteve janë publikuar deri më tani.
The @USNatArchives has posted 1,491 documents subject to the President John F. Kennedy Assassination Records Collection Act of 1992 (#JFK Act).
Access these released documents:: https://t.co/UR0HQ9u63W pic.twitter.com/evxtKW8ytE
— US National Archives (@USNatArchives) December 15, 2021
