Një ngjarje e rëndë ka ndodhur në Francë. Sipas mediave të huaja bëhet me dije se një 41-vjeçar nga Kosova, i ka dhënë fund jetës së tij duke u vetëvrarë në bodrumin e gjykatës.
Mediat e huaja raporojnë se Fitim Uka u vetëvra me lidhsen e kapuçit të xhupit të tij, teksa viktima kishte nje të shkuar të vështirë.
Është bërë publike nga avokatja e tij se Uka kishte shkuar në Francë rreth 15 vjet më parë, duke ikur nga konfliktet. Sipas dosjes së Prokurorisë, e cila po e kryen hetimin, kosovari kishte të kaluar traumatike, që lidhej me vrasjen e 15 anëtarëve të familjes së tij.
“Ai mbërriti në Francë rreth 15 vjet më parë, duke ikur nga konfliktet ndëretnike dhe një situatë të paqëndrueshme politike”, tha avokatja e tij, duke pasur parasysh dosjen që i është komunikuar. Ai kishte një të kaluar të dhimbshme traumatike të lidhur me vrasjen në të njëjtën ditë të pesëmbëdhjetë anëtarëve të familjes së tij. Ai u largua nga vendi i tij me vëllain e tij, i cili do të jetonte në Alsace. Ai nuk ka më familje, nuk ka më njeri atje.”-tha avokatja.
“Në moshën 41-vjeçare, preferoi ta mbyllin në një qeli të ndotur, sesa të kthehet në vendin e tij”,- shtoi avokatja.
Sipas elementëve të parë të hetimit për gjetjen e shkaqeve të vdekjes të zbuluara nga Prokuroria e Bordosë në ditën e ngjarjes, 41-vjeçari do të gjykohej pasdite si pjesë e procedurës së paraqitjes së menjëhershme për shmangie nga ekzekutimi i urdhrit për largim nga Franca.
Ndër të tjera është konfirmuar se Uka kishte refuzuar të hipte në avion dy ditë më parë për t’u rikthyer në Kosovë.
