Një i ri nga Shqipëria i ka dhënë fund jetës duke u vetëvarur natën e ndërrimit të viteve. Ai ishte duke vuajtur dënimin në burg kur është gjetur nga gardianët i pajetë. Pavarësisht tentativave për ta rikthyer në jetë, fatkeqësisht i riu kishte vdekur.
Lajmin e kanë dhënë Sindikata e punonjësve të burgjeve të Rajonit të Kampanjës, e cila njoftoi se trupi i 29-vjeçarit shqiptar është gjetur pas kontrollit të mesnatës, duke u gdhirë data 1 janar 2022. Identiteti i tij nuk bëhet ende me dije, por sipas mediave italiane atij i përfundonte dënimi në vitin 2023.
I riu ishte i vetëm në qeli ndaj dhe ai u gjetë i pajetë vetëm kur gardianët shkuan të bënin kontrollin rutinë.
Ndërkohë, natën e ndërrimit të viteve një tjetër shqiptar është arratisur nga burgjet italiane. Kristjan Mëhilli arriti të arratisej nga burgu i Verçellit në Itali. Mëhilli së bashku me një tjetër të burgosur, gjithashtu dhe ai me origjinë shqiptare, sharruan hekurat e dritares së qelisë dhe zbritën me çarçafë.
