“Farë e keqe që u fut në PD dhe e shkatërroi atë”, e cilësoi Sali Berisha kryedemokratin Luzlim Basha, i cili u vu në krye të PD me bekimin e tij. Berisha tha Basha nuk ka asnjë parim dhe se bën gjithçka për të mbajtur karrigen e tij edhe duke marrë peng selinë e PD, të cilën e quan shtëpinë e lirisë. Kjo pengmarrje për Berishën vjen nga fakti se në PD janë mbyllur dyert për të dhe të gjithë mbështetësit e tij. Këto deklarata Berisha i bëri nga Fieri në 31 vjetorin e themelimit të degës së PD në këtë qark
“Basha ishte një farë e keqe që ne nuk e kuptuam. Ky dëshmoi se është i zhveshur nga çdo parim dhe se është i gatshëm që për karrigen e tij të bëjë gjithçka. Më lejoni për secilin prej jush për çdo shqiptarë t’u sqarojë , tu garantojë se këtu nuk është problemi për një karrige apo për një zyrë, se ne jemi aq zemërgjerë sa do i falnin Lul bravës 20 karrige dhe 20 brava”, tha Berisha.
‘Pasi kaloi nga humbja në humbje në 8 vite rresht u thoshte shqiptarëve sot më ndiqni se jam e ardhmja!!! Në fakt ai është vetëm humbja, humbja, humbja’, tha Berisha.
