Rikthimi i shqiptarëve të deportuar në Angli po shqetëson shumë autoritetet. Rastin konkret e ka marrë “Daily Mail”, dhe bëhet fjalë për Aleks Vishën.
Sikur të mos kishte ndodhur asgjë, mediat britanike shkruajnë se i riu shfaqet duke pirë shisha dhe i lumtur duke folur me patriotët e tij.
Nuk mungojnë sharjet ndaj Britanisë dhe policisë së këtij vendi. Daily Mail nxjerr pamjet kur Aleks Vishaj regjistronte veten me një celular secret në një qeli të Londrës.
Pamjet ilegale u postuan në rrjetet e tij sociale dhe media shkruan se edhe pse u deportua, 32-vjeçari Vishaj është rikthyer në Britani duke u tallur me autoritetet.
Sistemi po abuzohet në mënyrë tronditëse. Mendohet se Aleks Vishaj është rikthyer me pasaportë false në Britani. Del rrugëve me flamurin kombëtar shqiptar e me miqtë, duke festuar të shfrenuar pavarësisht se ndodhet aty kundra ligjit.
Ndërsa një tjetër, i quajtur Dorian Puka, u rikthye pavarësisht dy dënimeve për vjedhje në Londër.
I riu poston foto duke qeshur me një shok të tij në një bar në Londër. Edhe pse i është ndaluar hyrja në Britani, ata shfaqen rrugëve të kryeqytetit pa pikë problem.
