Valentina Boscardin , një modele e njohur braziliane 18-vjeçare, ka vdekur nga komplikimet e COVID-19 . Vdekjen e të resë e ka konfirmuar nëna e saj, prezantuesja e famshme televizive Marcia Boscardin .
“Me dhimbje të madhe i them lamtumirë dashurisë së jetës sime. Lamtumirë Valentina Boscardin Mendes. Zoti të pranoftë krahëhapur. Bijë, do të të dua gjithmonë. Një engjëll u ngrit në parajsë,” ndau Marcia Boscardin në rrjetin social me ndjekësit.
Valentina Boscardin ishte e shëndetshme dhe i kishte bërë të dyja vaksinat përpara se të sëmurej me koronavirus
Valentina Boscardin , e cila ishte e shëndetshme para se të infektohej me COVID-19 dhe kishte marrë të dyja dozat e vaksinës, u shtrua në spital në Sao Paulo për mpiksje gjaku dhe pneumoni pasi u infektua me koronavirus.
Shëndeti i të resë u përkeqësua rëndë nga 6 janari, derisa përfundoi me vdekje nga një mpiksje gjaku.
Felipeh Campos: “Vajza e Marcia Boscardin vdiq nga një mpiksje gjaku pasi u infektua me koronavirus”
” Vajza e modeles dhe biznesmenes së dashur Marcia Boscardin vdiq këtë fundjavë në moshën 18-vjeçare, viktimë e një mpiksje gjaku pasi u infektua me koronavirus,” raportoi gazetari Felipeh Campos , një mik i familjes Boscardin.
Në vetëm 18 vjeç, Valentina Boscardin punonte për agjencinë e famshme Ford Model dhe po përgatitej të hidhej në tregun ndërkombëtar.
