Federata angleze e futbollit FA ka hapur një hetim për një karton të verdhë të marrë nga një lojtar i Arsenalit gjatë një ndeshjeje në Premier League këtë sezon.
Mediat shkruajnë se bëhet fjalë për Granit Xhakën. Hetimi filloi pasi u shfaqën luhatje në koeficentët e basteve.
Pas ndeshjes, disa bastevënës i vunë në dukje Federatës së Futbollit valën e pazakontë të basteve.
“FA është në dijeni të çështjes në fjalë dhe po e shqyrton atë”. Shuma e parave të vendosura në bast thuhet se është “shumë e pazakontë”. Ndërkohë klubi i Arsenal nuk pranoi të komentojë.
Praktika e trukimit të ndeshjeve shqetëson sportin britanik edhe nëse, në nivelet më të larta të ndeshjeve si në Premier League, është e rrallë sepse lojtarët kanë paga më të larta.
