“Sporti duhet të jetë fair play”; Veliaj: Beteja sot për çlirimin e sportit nga mafia dhe të paprekshmit

113 563 lexime

124,178FansaPëlqeje

Kryetari i Bashkisë së Tiranës, Erion Veliaj dhe të rinjtë e Këshillit Bashkiak të Tiranës mbollën sot pemë pranë Parkut të Liqenit. Veliaj përmendi faktin se edhe lirimi i hapësirave të zaptuara te liqeni ka qenë një betejë më vetë, ashtu siç është sot beteja me FSHF-në për ëndrrat e fëmijëve të Tiranës.

“Sot kemi marrë mbrapsht gjysmën e Liqenit, që ishte abuzuar dhe zaptuar. Është një metaforë edhe për betejat që po bëjmë sot. Koha më e mirë për të mbjellë pemë ishte përpara 20 vjetësh, por koha e dytë më e mirë për të mbjellë një pemë është sot. Koha më e mirë për të çliruar sportin nga mafia ishte para 20 vjetësh, kur u zgjodh mafia në krye të sportit. Por, koha e dytë më e mirë për t’u marrë me këtë punë është sot. Kështu që, asnjëherë nuk është vonë për të bërë gjënë e drejtë dhe gjënë e duhur. Ikja e betoniereve ishte gjithashtu një betejë. Nuk është se qyteti na ka lënë një javë pa betejë, por kjo është beteja e radhës. Ndaj, besoj fort se duhet të japim një shembull që në këtë qytet nuk zotëron mafia, nuk zotëron një bandë nga Shijaku, dhe çudirat që po dëgjojmë prej asaj bande”, theksoi Veliaj.

Më tej, kryebashkiaku nënvizoi se do e vazhdojë këtë betejë deri në fund, sepse sporti duhet të jetë “fair play” dhe jo një bandë e paprekshme nga askush.

“Ti mund të jesh i pavarur, por nuk mund të jesh i paprekshëm! Ti duhet të tregosh ku shkuan paratë e FIFA-s dhe UEFA-s. Për sa kohë që Bashkia e Tiranës bën terrene të tilla, si këto fushat ngjitur, si fushat lart në kodër, që ia merr zaptuesit dhe ia kthen qytetit, unë do vazhdoj ta bëj këtë betejë për mijëra fëmijë. Dje më kanë shkruar mijëra prindër, nëna dhe baballarë, të cilët ndihen të poshtëruar dhe të fyer që kursimet e tyre – 20 apo 30 mijë lekë çdo muaj – për të çuar djalin në futboll, i pastron si para pularia e Shijakut. Unë nuk do të dorëzohem nga kjo betejë dhe nuk do tutem në emër të këtyre familjeve, që besojnë që jeta duhet të ketë fair play. Sporti duhet të ketë fair play, studentët duhet të kenë fair play, një fëmijë i vogël meriton fair play”, u shpreh Veliaj.

Lexo edhe :  11 maji, kur drama opozitare sjell tragjedi kombëtare

Në fund kreu i Bashkisë bëri një paralelizim, kur tha se “Kjo pemë ndoshta nuk do të bëjë asnjë hije sot, por do bëjë hije për të gjithë fëmijët tanë nesër. Të paktën, kur të shkruhet historia e qytetit, të kemi mundësi që betejat që bëmë sot, njësoj si këto pemë që mbollëm, të shërbejnë për t’ia hapur rrugën dikujt tjetër, që nesër ta ketë më të lehtë”.

Të fundit

Buxheti i shtetit ka rënie ritmi, në prill u arkëtuan 650 mln euro

Buxheti i shtetit arkëtoi 650 mln euro në muajin prill, ndërsa priste të mblidhte 675 mln euro. Kjo është...

Perla e radhës nga Berisha: Kompania ndërkombëtare DHL u vu në shërbim të Ramës

Demokratët vijojnë të mos shikojnë nga vetja, por kanë gjetur një fajtor të ri për humbjen e Aleancës për Shqipërinë Madhështore më 11 maj,...

Mbrojtja ushtarake, ambasadorët e BE-së miratojnë fondin 150 miliardë euro

Ambasadorët e Bashkimit Evropian miratuan të mërkurën krijimin e një fondi të ri për blerjen e armëve, me një vlerë prej 150 miliardë euro...

“Sali Berisha është qaraman!” Endri Shabani ka një këshillë për partitë e reja

Kryetari i “Nisma Thurje”, Endri Shabani ka reaguar lidhur me rezultatin e zgjedhjeve parlamentare teksa ka komentuar bashkimin e forcave me Adriatik Lapajn. I ftuar...

Kërcënimet ndaj Osmanit, Prokuroria Speciale nis hetimet për identifikimin e autorëve

Prokuroria Speciale e Kosovës ka reaguar nga lidhje me kërcënimet ndaj presidentes Vjosa Osmani, teksa njofton se ka autorizuar njësinë përkatëse të policisë që...

Lajme të tjera

Web TV