Nicolas Schiappacasse është arrestuar në Uruguaji për posedim të një arme zjarri. Lojtari aktualisht te Penarol, por në pronësi të Sassuolo-s po shkonte drejt stadiumit me tre shokë të tjerë, qëllimi nuk ishte të shikonin ndeshjen miqësore midis Penarol dhe Nacional, por t’i jepnin një armë një ultras.
Në vitin 2022 Sassuolo e bleu nga Atletico Madrid për 300 mijë euro. I konsideruar si Aguero i ri lojtari zhvilloi vetëm dy ndeshje në Itali, pastaj erdhi huazimi te Penarol. El Pais raporton se mbrëmjen e djeshme, Schiappacasse u ndalua nga policia e Montevideos për një kontroll normal rutinë, por një 9 mm u gjet në makinën e tij të mbështjellë brenda një xhupi në pronësi të sulmuesit, i cili dyshohet se shpjegoi se duhej t’i dorëzonte armën një tifozi të pranishëm.
Sulmuesi ishte në shoqërinë e tre shokëve, njëri prej të cilëve kishte të kaluar si trafikant droge. Futbollisti aktualisht është i arrestuar, në pritje të gjykimit, karriera e tij futbollistike tashmë mund të ketë përfunduar.
