Dy shqiptarë janë arrestuar nga policia italiane, pasi akuzohen për grabitjen e vilave. Bëhet fjalë për shtetasit: Edison Pula dhe Imer Masha, përkatësisht 30 dhe 28 vjeç, të cilët u arrestuan, pasi kishin dalë nga ferma ku fshiheshin për të bërë pazar.
Të dy shqiptarët janë persona me precedentë penalë, Pula u akuzua për pesëdhjetë vjedhje të kryera në Trentino, ndërsa Masha ishte dëbuar tashmë nga Italia.
Në 14 Nëntor 2021 brenda vilës së biznesmenit Giancarlo Miotto u futën 4 persona, 2 prej tyre të armatosur, të cilët arritën të merrnin kasafortën në dhomën e gjumit. Po ashtu grabitësit morën bizhuteri, ar, para, ora të ndryshme me vlerë miliona euro.
Ndërkohë mediat italiane raportojnë se 2 nga personat që kryen grabitjen janë pikërisht shqiptarët e mësipërm, tashmë të arrestuar. Ata i kishin shpëtuar policisë prej muajsh, ndërsa fshiheshin te një fermë në fshatin Carbonera, ku karabinierët u gjetën orë të ndryshme (duke përfshirë dy Rolexe), para, sende argjendi dhe mjete për vjedhje.
