Një aksident tragjik i mori jetën një gruaje shqiptare në Itali. Dje rreth orës 17:30, përgjatë rrugës provinciale 34, 2 makina, u përplasën si mos më keq.
Policia identifikoi viktimën si shqiptarja Edlira Alicka. Pasi u furnizua me karburant, shqiptarja doli nga pika e ndalimit dhe u përplas nga Audi A6.
Fatkeqësisht 55-vjeçarja shqiptare humbi tragjikisht jetën. Trupi i saj i pajetë mbeti i bllokuar në kabinë, pas përmbysjes së makinës. Ishin shërbimet e zjarrfikëses që bënë të mundur nxjerrjen e trupit të gruas, pas rreth 2 orësh.
Ndërsa dy të moshuarit, që ndodheshin në makinën tjetër kanë mbetur të plagosur lehtë dhe janë dërguar në spitalin Conegliano. Gjendja e tyre paraqitet e stabilizuar.
