Teksa Vladimir Putin vijon retorikën e tij për vazhdimin e sulmeve për pushtimin e Ukrainës, jo vetëm në Evropë, por edhe në Rusi kanë shpërthyer protesta të dhunshme, për të kundërshtuar këtë nismë.
Edhe vetë ushtarët rusë duket se nuk e mbështesin Presidentin e tyre.
BBC raporton se ushtarët rusë, të pushtuar nga një moral ulët kanë filluar të dorëzohen, në disa raste duke sabotuar dhe mjetet e tyre luftarake. Ata po dëmtojnë tanket duke zbrazur karburantin, në mënyrë që të mos luftojnë. Disa prej tyre shprehen se në ditët e para të luftimeve u ishte thënë se do kryenin vetëm stërvitje, duke mos u lajmëruar se do shkonin në luftë.
A DoD source tells me: “I can say with certainty this is happening.” https://t.co/V93m1oeVjV
— Shashank Joshi (@shashj) March 2, 2022
Dorëzimi i ushtarëve duket se është pritur mirë nga ukrainasit. Së fundmi, në rrjetet sociale është publikuar një video, ku duket një ushtar rus i cili është dorëzuar dhe pranë tij ndodhen qytetarë ukrainas që i ofrojnë çaj të ngrohtë dhe ushqim. Ai po ashtu shihet teksa komunikon me nënën e tij, të cilës mes lotësh i thotë “jam gjallë”.
Luftimet në Ukrainë kanë hyrë në ditën e 7-të, teksa numri i viktimave civile sa vjen e shtohet. Po ashtu dhe numri i ushtarëve të vrarë nga të dyja palët është i lartë.
A Russian soldier, after surrendering to the Ukrainians, is given food, hot tea, and allowed to call his mother in Russia so she can see he's alive.
Profoundly demonstrates the humanity of the Ukrainian people, even in the face of Putin's aggression.🇺🇦 https://t.co/GBfGJwAZC5
— Jimmy Rushton (@JimmySecUK) March 2, 2022
