Një spital për fëmijë në qytetinport jugor të Mariupolit është shkatërruar plotësisht nga bombardimet ruse, sipas këshillit të qytetit.
“Forcat pushtuese ruse kanë hedhur disa bomba në spitalin e fëmijëve. Shkatërrimi është kolosal,”-thuhej në deklaratë. Ndërkohë gazetari italian Roberto Saviano ka shpërndarë pamjet e dhimbshme nga pasojat e sulmit rus mbi spitalin e fëmijëve.
Mariupoli është i rrethuar nga trupat ruse dhe prej ditësh ka qenë vendi i bombardimeve të forta. Kjo ka lënë mijëra njerëz pa ushqim, ujë dhe energji elektrike.
Kryqi i Kuq e ka përshkruar situatën si “apokaliptike”, ndërsa nënkryetari i bashkisë pretendon se 1200 njerëz janë vrarë në qytet. Disa përpjekje për të evakuuar civilët nga Mariupol kanë dështuar ditët e fundit. Nuk ka asnjë provë që dikush mund të largohej gjatë një armëpushimi të rënë dakord sot.
