“Rusët qëllojnë fëmijë dhe gra”, këtë tha në një intervistë për mediat Niyara Mamontova e cila tashmë jeton në Holandë, pas largimit të saj nga Ukraina.
Ajo dhe e vajza e saj e vogël kanë përjetuar tmerrin e luftës deri më 4 mars, kur fatmirësisht i doli mundësia të largoheshin nga vendi.
“Ne përjetuam tmerr sepse avionët ushtarakë fluturonin mbi shtëpinë tonë. Ato bombarduan shkolla dhe vranë fqinjët tanë”, tha ajo.
Ajo shtoi se gratë dhe fëmijët e ngecur në lindje të vendit po vdesin sepse forcat ruse po i qëllojnë. Ajo tha gjithashtu se forcat ruse bombardojnë me qëllim shtëpitë e civilëve.
