Kuvendi nuk ka pranuar interpelancën e thirrur nga Partia Demokratike dhe Komisioni i Rithemelimit me kryeministrin Edi Rama. Sipas kryetares së Kuvendit, Lindita Nikolla, kjo nuk është pranuar për shkak të rregullores, pasi sipas saj, kërkesa duhej të bëhej ditën e hënë.
Kujtojmë se nisur nga rritja e çmimeve Partia Demokratike ka kërkuar mocion me debat në Kuvend, ndërsa nga ana e Grupi i Rithemelimit u kërkua interpelancë me kryeministrin Edi Rama.
Dokumenti i Grupit të Rithemelimit është firmosur nga 9 deputetë të cilët kërkojnë interpelancë për 3 pika kryesore, paketën anti-krizë, gjendjen e Rezervave Materiale të shtetit dhe Rezervës së Sigurisë së Naftës.
Mësohet se kërkesa e grupimit “Berisha” është rrëzuar në konferencën e kryetarëve me 9 vota pro, 1 kundër dhe 1 abstenim. Pra PS dhe PD janë bërë bashkë duke rrëzuar kërkesën që të fusin në rendin e ditës kërkesën për mocion me debat me kryeministrin Rama. Ndërsa vetë kreu i qeverisë mungonte në këtë seancë.
