Gazetari i njohur Roberto Saviano ka publikuar pamje nga shpërndarja masive në ukrainë e tankeve me shkronjën Z, duke vënë në dukje edhe propagandën e madhe që Vladimir Putin po ushtron në luftë.
Sipas Savianos, Putin e di shumë mirë që lufta fitohet kryesisht me propagandë, duke i frikësuar të gjithë.
Ne pamë Z-të e para në tanket ruse të vendosura në kufirin me Ukrainën. Tani ato janë kudo ku propaganda ka zënë rrënjë, shfaqen në ueb dhe vishen si simbol i përkatësisë, përdoren si mesazh dhe si kërcënim ndaj heshtjes.
Mendoni vetëm për “Z-në” e vizatuar në derën e aktivistes Rita Flores, një mënyrë e neveritshme për të thënë: “Ju jeni vetëm, ne jemi shumë. Ju nuk i njihni fytyrat tona, ne e dimë se ku jetoni. Më mirë hesht”.
Për disa, si Kamil Galeev, “Z” do të ishte shkronja fillestare e “za pobedy” (për fitore), për të tjerët “zapad” (Perëndimi, drejtimi gjeografik dhe politik drejt të cilit synohet sulmi). Sido që të jetë, na bën të mendojmë se një germë e alfabetit latin përdoret si simbol i fitores për një vend që ka një alfabet tjetër… Putini e di shumë mirë që lufta fitohet kryesisht me propagandë, duke i frikësuar të gjithë. Për këtë mesazhi duhet të jetë i kuptueshëm nga të gjithë.
Ne gjithmonë u kushtojmë vëmendje simboleve, ato janë një thjeshtësim i mesazheve politike shumë më komplekse, ato reduktojnë gjithçka në një format që ju lejon të merrni një pozicion jokritik, të ndiheni pjesë e një mase të fortë, t’i aprovoni veprimet e një diktatori.
