Roman Abramovich nuk ka se ku t’i fshehë jahtet luksoze. Super-jahti i pronarit të Chelseat ka mbërritur sot në resortin turkstik të Marmaris në Turqi.
Lajmin e kanë bërë të ditur nga porti, një ditë pasi një tjetër jaht i miliarderit rus kishte arritur afër Bodrumit, gjithashtu në jug-perëndim të vendit.
“Eklipsi”, i cili është njëri nga jahtet më të gjata në botë, 162.5 metra me flamur të Bermudas, ka arritur në Marmaris pasi kaloi nëpër ishujt grekë te Kretas dhe të Rhodes, ndërsa paraprakisht kaloi edhe nga Mali i Zi dhe nga Shqipëria, njoftojnë të dhënat e trafikut detar.
Këto të dhëna po ashtu tregojnë se super-jahti Solaris ka mbërritur në Bodrum, më saktësisht 80 kilometra nga ky qytet, duke iu shmangur detërave të vendeve të Bashkimit Evropian pas sanksioneve që iu vunë oligarkëve pas sulmit ushtarak të Rusisë në Ukrainë.
Solaris ndërkohë është 140 metra i gjatë dhe po ashtu mban flamurin e Bermudas.
Nuk ka indikacione nëse Abramovich ishte prezent në ndonjërin prej jahteve të tij.
